Loading...

Random Images of Egyptian Pyramids

حدث خطأ في هذه الأداة

الثلاثاء، 20 أبريل، 2010

ليه الخصام

















 ("/.\") ------ رباعيات حــب ------ ("/.\")
                ************               
"
ليــــــــــــه الخصـــــام؟!
*********  
سألونى عنك ليه الخصام *!*قولتلهم عنك أحلى كلام
وجابولى منك كلمة وداع*!*وقالوا إنك غاوى ملام
سألونى عنك ليه الخصام؟!
"
\
"
دامهما يقولوا عنك حبيبى*!*مازعلش منك لأنك نصيبى
وأقول ياناس داحبه غالى*!*وهوه روحى وصاحبى وقريبى
سألونى عنك ليه الخصام؟!
"
/
"
خبيت عنهم حتى العذاب*!*وقلبى ساكت ناسى العتاب
غارقان بحبه عمره ماتاب*!*ويقولى إجرى دانت شباب
سألونى عنك ليه الخصام؟!
"
\
"
يلومونى ليه ؟! بحبى ليه *!*وقلبى عايزينى أقسى عليه
أسيبه ليه ؟! عايزين إيه *!* باكل وانام وفكرى فيه
سألونى عنك ليه الخصام ؟!
"
/
"
ياناس حرام البعد صعب*!* والدنيا فيها شقى وتعب
وإزاى أعيش مجروح القلب*!* والاقى فين تانى الحب
سألونى عنك ليه الخصام؟!
"
\
"
ياروحى حبك جوايا ساكن*!* وبشوف خيالك مالى الأماكن
وحبايبى دايما لايمين عليا*!* شايفينى جوه قلبك راكن
سألونى عنك ليه الخصام؟!
"
/
"
ليه ياحبيبى طول بعادك*!*وسقت فيها وزاد عنادك
داعمرى ليك وروحى فيك*!*ومافيش بالدنيا إلا مرادك
سألونى عنك ليه الخصام ؟!
"
\
"
ياقلبى ليه؟! فكرت فيه*!* وكنت فاكر إنك ناسيه
غنيت موال لقلبه ليه*!*وفضلت لسه برضه غاويه
سألونى عنك ليه الخصام؟!
"
/
"
حطيت حمولك بقلب قاسى*!*ومشيت لبحرمافهوش مراس
عايرك بضعفك حبيته ليه*!*وتعبت فكرى ووجعت راسى
سألونى عنك ليه الخصام؟!
**********
تم تأليف هذه القصيدة يوم 13 يناير 2010
الساعة(من 9-11 صباحا)






هناك 6 تعليقات:

Mona يقول...

أولا مبروك المدونة الجديدة -
ثانيا شكرا على ترجمة القصيدة أنا سوف أضعها عندى فى المدونة العربية

ثالثا: القصيدة جميلة بس لى سؤال هو أنت ليه عملت كذا مدونة هو مجرد سؤال بس مش أكتر ؟

فاروق بن النيل يقول...

Mona ....
أولا أعجز عن شكرك لكونك الأولى شرفتينى
ُثانبا : أرجو ألا تكونى زعلانه لأنى تطفلت وترجمت قصيدتك الحقيقة كلما أعجبنى عمل وخاصة بلغة لايفهما أهل بلدى أحزن ألا تكون كلماتها وتعبيراتها أما الجميع
ثالثا: عملت كذا مدونة لكونى عندى قصص كثيرة حدثت لى أريد أن أحكيها وقد شجعنى بعض الراء على ذلك
وأيضا هناك أعمال من أول المدونة الأصلية منذ ثلاثة أشهر منها هذه القصيدة " ليه الخصام" ولم يراها أحد
لأن الناس يامنى بيكسلوا يدوروا على الرسائل القديمة
وشكرا لك

Ms Venus يقول...

الله

جميلة اوى يا استاذ فاروق


انا موجودة بس غصب عنى عارفة انى مقصرة


مبروك على المدونة وهحفظها عندى واتابعها اكييد لانه شرف ليا

تحية واحترام لحضرتك

فاروق بن النيل يقول...

Ms Venus
أولا : شرف ليا أنا هذا الكلام الجميل اللى قولتيه
ثانيا : ألفتها وكتبتها بعد إفتتاحى للمدونة بيومين
وبإحساس عالى جدا وببساطة شديدة دون الإلتزام بقافية
ومع هذا فوجئت بأنها تصلح رباعيات ( أربع كلمات بكل
شطر من شطرى البيت الشعرى ) مثل رباعيات الخيام التى غنتها أم كلثوم بالسبعينيات وشكرا لكى

لاسع افندى يقول...

و عجبى


تحيه لاسعه

فاروق بن النيل يقول...

لاسع أفندى ..
يالسعى ياهولى يالهوتى